Aminado ang nagabaligya sang christmas lanterns nga himo sang mga Persons Deprived of Liberty ukon PDLs sa Bureau of Jail Management and Penology (BJMP) sa syudad sang Cadiz nga nagadamo naman ang nagabakal sang lanterns.
Suno kay Kim Cainoy, maayo ang baligyaanay sang lanterns kag ang presyo ang masarangan sang mga nagabakal.
Suno kay Cainoy, ang pinakamahal nga lantern ang nagabili sang P7,500 samtang ang pinakabarato ang nagabili sang P800.
Suno diri, ginahatagan man nila sang discount ang mga nagabakal nga nagaayo.
Suno pa diri, mahimo man ang mga customer nga makapacustomize sang ila nga lanterns.
Sila ang bukas alas07:00 ang takna sa aga kag nagasira alas-11:00 sa gab-i.
Nagpasalig man ini sa mga bumalakal nga mabakod ang christmas lantern nga himo sa kawayan, LED kag safe man ini gamiton bilang dekorasyon sa balay.
