Magabalik na sa kinaandan nga schedule ang misa aguinaldo nga patigayunon sa Archdiocese of Bacolod.
Sa interview sang Bombo Radyo Bacolod kay Justine Ian Arca, secretary sang Archdiocese of Bacolod, gindula na ang misa sa gab-i sang December 15 nga ginapatigayon sadtong COVID-19.
Suno kay Arca, ang mangin schedule na sang misa aguinaldo ang alas 03:00 ang takna sang kaagahon kag alas 05:30 ang takna sang kaagahon.
Suno diri, sa palaabuton nga December 24, sa Christmas Eve ang misa ang patigayunon alas 09:00 sang gab-i, kag ang New Years Eve naman nga misa ang patigayunon alas 09:00 man ang takna sang gab-i sang December 31.
Samtang sang Domingo, ginsugudan ang blue mass kun sa diin ang mga kapulisan ang nagasponsor sa misa kag may tinutuyo ang misa nga mahatagan sang spiritual dimension ang mga alagad sang kasuguan.
Nagpahanumdom man si Arca sa tanan nga matapos ang tanan nga pagtilaw malampuwasan man ini kag ang mga siwatsyon ang nagapahibalo nga Emanuelle: Lord is with us.
