Handa na ang PNP Aviation Security Group sa Bacolod -Silay Airport sa pagdagsa sang mga pasahero subong nga holiday season.
Sa interview sang Bombo Radyo kay Police Major Deejay Domingo, hepe sang PNP Aviation Security Group sa Bacolod-Silay Airport, ginalauman na nga madamo sang pasahero ang magabyahe.
Pahayag ni Domingo, yara ang pwersa sang office of transportation security, sa paghatag sang seguridad sa mga pasahero kag iya man gin-athag nga handa ang Bacolod -Silay Airport PNP Aviation Security Group, sa pagbulig sa mga kinahanglanon sang mga ini sa byahe.
Paandam ni Domingo sa mga pasahero kag sa tanan nga pumuluyo nga likawan ang pagdala sang matalum nga bagay, illegal nga droga ukon armas-luthang.
Ginahingyo man sini nga sundon ang Rules and Regulations sang opisyales kag kapulisan sa airport sa matawhay nga byahe.
