Nagdangat sa 709 ka mga kapulisan sa Negros Occidental Police Provincial Office (NOCPPO) ang nahatagan sang promotion.
Suno kay NOCPPO spokesperson Police Lt. Judesses Catalogo, ang mga napromote ang ginlakipan sang 13 ka mga police nga may ranggo nga Police Captain ang ginpromote sa Police Major; 39 ka Police Lt., ginpromote sa Police Captain; 34 ka Police Chief Master Sergeant ginpromote sa Police Executive Master Sergeant; 40 ka Police Executive Master Sergeant ginpromote sa Police Chief Master Sergeant; 28 ka Police Chief Master Sergeant ginpromote sa Police Senior Master Sergeant; 57 Police Staff Sergeant ginpromote sa Police Senior Master Sergeant (PSMS); 317 ka Police Corporal ginpromote sa Police Staff Sergeant kag 181 ka Patrolman ginpromote sa Police Corporal.
Ang mga napromote ang kabahin sang last quarter sang 2022 nga promotion nga ginapatigayon sang Philippine National Police (PNP).
Ang mga ini ang nakapasar sa documentary, medical kag neuro-psycho exams kun sa diin natumod nga physically kag mentally fit agud magserbisyo.
Mahimo man nga sayluhon ang mga napromote bangud kinahanglan nga ibutang man sila sa nagakaangay man sa ila nga ranggo.
Ginpanginbulahan ni Catalogo ang tanan nga napromote kag ginpahayag man sini nga ang promotion ang may yara sang kaakibat nga responsibilidad.
Nagpanugyan man ini sa tanan nga mga wala napromote nga may yara man sang promotion nga ginapatigayon ang PNP kada tuig, mahimo gid sila mag-apply.
