Suspect sa pagbuno-patay sa isa ka lalaki sa Brgy. Granada, Bacolod City, nagsurrender sa kapulisan
-- ADVERTISEMENT --

Nagsurrender sa kapulisan ang suspect sa pagbuno-patay sa isa ka lalaki sa Prk 4, Brgy Granada, Bacolod City.

Sa interview sang Bombo Radyo kay Police Captain Merlvin Dulce, Chief of Police sang Bacolod Police Station 5, ang suspect nga ginkilala nga si alyas “Alvarez” ang nagsurrender sa kapulisan pasado alas-4:00 kaina sang hapon.

Suno kay Dulce, nagkoordinar sa ila ang pamilya ni Alvarez kag ini ang gindul-ong sang iya paryente sa Police Station 5.

Ini bangud nahadlok ang suspect nga maggwa sa ila nga balay gani nagtinguha ang pamilya nga makig-angot sa kapulisan.

Pahayag sini, gin-ako ni Alvarez nga siya ang may kahimuan sa krimen.

-- ADVERTISEMENT --

Kaso nga murder ang ipasaka batok sa suspect.

Si Alvarez ang may nakaligad man nga kaso nga alarming scandal kag pagpangawat.

Suno kay Dulce, santo sa panaysayon sang pamilya sang suspect, ginsaway sang biktima nga si Danny Abellar ang paryente sang suspect.

Nanugid ang paryente kay Alvarez kag didto na nagbinaisay ang biktima kag suspect tubtob nga may nagluntad nga pagpamuno.

Sa karun, ginapangita pa sang kapulisan ang patalom nga gingamit sa pagpamuno.