Ginpasalamatan ni 3rd Infantry Division commander kag concurrent acting chief sang Armed Forces of the Philippines Visayas Command Major General Benedict Arevalo si retired 303rd Infantry Brigade Commander Brigadier General Inocencio Pasaporte sa iya serbisyo sa pungsod kag sa mga pumuluyo kadungan sang iya pagretiro.
Sa speech ni Arevalo kahapon sa turn over of command ceremony nga ginpatigayon sa Camp Nelson Gerona sa banwa sang Murcia, Negros Occidental, ginpahayag sini nga iya nakit-an kun paano nagtrabaho silently kag effectively si Pasaporte para sa pungsod.
Suno diri, siya ang proud diri bangud siya ang magaretiro with flying colors kag puno sang respeto.
Gincongratulate man sini si Pasaporte sa iya performance bangud ang 303rd Infantry Brigade ang nakabaton nga Best Brigade Performance nga pagkilala.
Samtang, nagpanugyan naman ini kay Colonel Michael Samson nga amu ang magabulos bilang commander, nga padayunon ang nasuguran ni Pasaporte kag tumanon ang ila mantra nga “Loved by the people, feared by the enemy.”
Si Samson ang deputy ni Pasaporte gani nakahibalo si Arevalo nga may yara na ini sang eksperyensya sa nasambit nga posisyon kag nagpasalig nga siya ang ang division ang magasuporta, magagiya kag magamentor sa iya.
