Ginaproseso na ang panagtaganay sang gratuity pay sang mga job order casuals sa Provincial Capitol.
Sa interview sang Bombo Radyo kay Negros Occidental Vice Governor Jeffrey Ferrer, sang Martes, gin-aprubahan na sa Sangguniang Panlalawigan ang gratuity pay sang mga casual employees santo sa mandato nga ginpagwa ni President Ferdinand “Bongbong” Marcos Jr.
Suno kay Ferrer, may yara sang P15 million nga pondo nga ginpain ang probinsya para sa gratuity pay sang mga job order casuals.
Sila ang makabaton sang cash nga indi magnubo sa P2,000 kag indi maglapaw sa P5,000 depende sa kalawigon sang ila serbisyo sa probinsya.
Suno diri, magluwas sa cash, magabaton man ang mga JOs sang bugas nga initiative sang probinsya sa pagpanguna ni Governor Eugenio Jose “Bong” Lacson.
Suno diri, maskin ano ang pronouncement sang Malacanang, sila ang magapanagtag gid sang bugas.
Gindugang man sini nga indi pwede nga magpanagtag lamang sang bugas kag wala sang kwarta bangud santo sa pagsulundan sa gratuity pay, dapat chas gid ang ihatag.
Samtang, sumugod bwas nga adlaw, Disyembre 30, 2022 tubtob Enero 2, 2023, igapaidalum ang probinsya sa alert status bilang preparasyon sa pagsaulog sang Bag-ong Tuig.
