Generally peaceful ang assessment sang Police Regional Office 6 (PRO6) sa pagsaulog sang Paskwa kag Bag-ong Tuig.
Sa interview sang Bombo Radyo kay Police Major Mary Grace Borio, tagpamaba sang PRO6, kun ibase sa rekord sang 2021, mas manubo ang narekord nga firecracker incidents sang 2022.
Suno kay Borio, sang 2021, 81 ka mga firecracker related incidents ang narekord apang as of January 01, 2023, may yara pa lamang sang anum ka mga insidente.
Suno diri, ang anum nga narekord ang running number pa kag indi pa final bangud may yara pa sang late reporting.
Nalakip diri ang isa ka stray bullet incident sang Disyembre 25 kag isa ka insidente sang indiscriminate firing sang Disyembre 31 nga lunsay natabo sa Iloilo apang wala man sang casualties.
Samtang, sa bilog nga rehiyon, nakaconfiscate ang PRO6 sang 1,007 ka mga improvised boga samtang nagapatrol.
Nakaaresto man ang ma inis ang duha ka mga illegal nga nagabaligya sang mga palupok.
Humalin Disyembre 16, 2022 tubtob Enero 1, 2021, nakapatigayon sila sang 113 ka mga operasyon kag nakaconfiscate sang illegal items nga nagabalor P120,000.
Ginakalipay man sini nga sa 12,755 ka mga personnel sang PRO6, apisar nga wala sila nagpatuman sang muzzle taping, wala sang may nakapalupok sang ila service firearms.
