Padayun pa nga ginapasanyog sang Bombo Radyo Philippines ang pagka-NUMBER 1 kag MOST TRUSTED RADIO NETWORK IN THE COUNTRY pinaagi sa pagpatigayon sang Top Level Management Conference 2023 sa mismo lugar kun sa diin ini nagsugod, sa syudad sang Iloilo.
Agud mangin nagakaigo sa karun nga panahon ang mga tikang, ang lima ka adlaw nga strategic planning session ang pagapangunahan mismo sang President kag Chief Executive Officer MS. MARGARET RUTH C. FLORETE, kun sa diin ang network mismo ang naggastos sa aktibidad kag wala sang ginpangayo nga bulig gikan sa mga politiko sa ano paman nga pamaagi.
Ginapadayaw man sang network ang mga panibag-o nga mga pasilidad kag logistics upgrade nga nagabalor ONE HUNDRED MILLION PESOS (P100,000,000.00), antes paman ang pandemya, nga amo ang nangin armas agud mapabaskog pa ang digital footprint sa pagtukod sang Digital Bombo Radyo, agud nga mas mapalapnag pa ang serbisyo sa mga nagasubaybay ilabi na sang nangin malala ang epekto sang COVID-19.
Para sa mga maukod nga tagpalamati sang Bombo Radyo Philippines, makasalig kamo nga padayun nga igahatag sang Network ang matuod-tuod nga serbisyo nga ginakinahanglan kag gusto sang mga audience.
Ang strategic planning conference ang may tinutuyo nga makita ang mga nahimo na kag ipadayun ang mga best practices sa areas of operations.
Kadungan sa pagsanyog sang teknolohiya, ang Bombo Radyo Philippines kag Digital Bombo ang magapadayun man agud magamit ang mga nasambit nga development sa pagpalapnag pa sang serbisyo publiko.
Ini ang inyo Bombo Radyo Philippines, the Most Trusted and Number One Radio Network in the Country!
Ang Top Level Management Conference 2023 ang nakaschedule halin Enero 4 tubtob 7, 2023 sa St. Clement’s Retreat House, Lapaz, Iloilo City.
