Liwat naman nga makita ang obra maestra sang Pinay international fashion designer sa 71st Miss Universe nga patigayunon sa Ernest N. Morial Convention Center, New Orleans, Louisiana, USA sa Enero 15 sang aga (Manila time).
Sa interview sang Bombo Radyo Bacolod kay Kirsten Regalado nga nakabase sa karun sa Miami, Florida, siya ang naghimo sang national costume ng pambato sang Iceland kag Saint Lucia sa pageant.
Suno kay Regalado, natapos noong Disyembre pa ang national costume ng Iceland kag St. Lucia.
Kasunod sini, gilayon nga naglupad padulong sa Florida ang mga kandidata para sa fitting sang costume antes nagpadulong sa New Orleans kun sa diin patigayunon ang kompetisyon.
Kaupod sang Negrense fashion designer sa paghimo sang mga costume ang team sini nga ginalakipan sang iya bana nga Larry Regalado, bata sini nga si Michael kag masobra napulo ka iban pa.
Ginpakita man ni Regalado sa Bombo Radyo ang mga obra maestra sini para sa duha ka beauty queen.
Ang national costume ni Miss Iceland Hrafnhildur Haraldsdóttir (RAFNILDUR RAFSOTTIR) amo ang isa ka ball gown nga ginpintihan sang mga makita palibot sang Ricavic sa Iceland kun sa diin gintour pa sanday Regalado agud nga makita ang view nga luyag sang kandidata samtang ang national costume ni Miss Saint Lucia Sheris Paul ang inspired sang flower festival sang ila pungsod.
Suno kay Regalado lunsay recycled materials ang gingamit sini kag sang iya team sa paghimo sang national costume sang mga candidates.
