Nakabaton sang award ang Toboso Municipal Police Station bangod sa ila nga inisyatibo nga paghiwat sang birthday sang mga pigado kag wala sang ikasarang nga mga kabataan.
Ang programa ang ginatawag nga ng “Pa-Birthday ni Toboso PNP” ang gin-umpisahan sadto sang duha pa lamang ka semana nga nagapungko bilang hepe sang Toboso Municipal Police Station si Police Major Jun Ray Batadlan.
Madumduman nga sa intervie sang Bombo Radyo Bacolod kay Batadlan, ginpahayag sini nga sang nag-upod sa School visitation sang Police Community Relation – Police Non Commission Officer (PCR-PNCO), nakita sini nga madamo sa mga kabataan ang ginagutom na samtang sila ang nagalecture gani indi makafocus kag kasubong man nga nakita kun ano ka pigado ang nasambit nga lugar.
Kaangay nga normal na lamang sa mga kabataan nga makita ang pagsulod sang mga kapulisan sa buluthuan agud maghatag sang lectures may kaangtanan sa anti-illegal drugs, anti-insurgency kag violence against women and childrens.
Agud mapatigayon ang programa, sila ang nagkoordinar sa manunudlo kasubong man sa prinsipal kag wala sang may ginapahibalo nga ginikanan ukon recipient natuhoy sa surpresa.
Ang programa ang ginlakipan na sang lecture, paghatag sang regalo kag feeding program.
Ginalantaw sang mga kapulisan sa Toboso nga indi lang ang mga grade school nga mga kabataan ang mahatagan sang tsansa nga makahuyop sang kandila sa cake sa tion sang ila birthday kundi malakip man ang mga senior high school students.
Ang award ang ginhatag kay Police Major Jun Ray Batadlan, hepe sang Toboso Municipal Police Station kag kay Police Staff Sergeant John Ford G Damalerio, Police Community Relation Officer sang nasambit nga police station matapos nga sila ang ginkilala bilang deserving nga Police officers sang Negros Occidental Police Provincial Office (NOCPPO) kag ginpasalamatan man ang mga ila nga maayo nga binuhatan kag commitment sa serbisyo sa paginitiate sang PCR activities sa nabukid nga bahin sang Toboso Negros Occidental.
