Patay ang 26 anyos nga lalaki matapos mabungguan sang salakyan, sang ini ang matumba sa motorsiklo sang mabungguan ini sang isa ka tricycle sa Araneta Street, Brgy 39, Bacolod City ala-1:30 kaina sang kaagahon.
Ang biktima ang ginkilala nga si Delvin Palencia, 26 anyos, single, residente sang Woodside Subdivision, Brgy Mansilingan, Bacolod City.
Sa inisyal nga impormasyon gikan sa Traffic Enforcement Unit sang Bacolod City Police Office, si Palencia ang nagabyahe gikan sa sur padulong sa norte nga dereksyon dala sang iya motorsiklo sang siya ang nabungguan sang wala matumod nga tricycle.
Bangod sa impact, natumba sa highway si Palencia, apang ini ang nabungguan sang nagasunod nga Mitsubishi Adventure, nga ginamaneho naman ni Fernando Mahipus, 72 anyos, kasado, kag residente sang Brgy Pahanocoy, Bacolod City.
Wala na sang ginhawa ang biktima sang maabtan sang rescuers.
Wala naman matumod ang driver sang tricycle nga una nga nakabunggo, matapos magpalagyo, samtang ang driver sang salakyan ang nakahunong sa karun sa Bacolod Police Station 1.
