Nagpadulong sa estasyon sang Bombo Radyo agud nga magpangayo sang bulig ang pila ka mga residente sang Brgy. Handumanan kag Brgy. Felisa, Bacolod City kasunod sang nautdan sila sang kuryente apisar ini sila ang nakabayad na sa IProcess 3CM Business Center ang isa sa mga authorize nga payment sang center sang Central Negros Electric Cooperative.
Sa interview sang Bombo Radyo Bacolod kay Cheryl Medina, sang Oktubre ang nakabayad na sila sang ila bill sa 3CM ang authorized merchant sang nasambit nga payment center, isa sa authorized payment center sang CENECO apang nakibot lamang sila nga gin-utdan sila sang kuryente.
Suno kay Medina, nagpadulong sila sa CENECO agud iverify kun ngaa nautdan sila apisar nga nabayaran na nila sa bulan sang Oktubre sa payment center.
Suno diri, indi man sila makabayad sang ila bill para sa bulan sang Nobyembre kag Disyembre bangud nagagwa sa system sang CENECO nga unpaid ang mga ini bangud ang ginbayad nga cheque sang payment center ang bounce check.
Sa karun nagaproblema ang mga ini bangud nautdan sila sang kuryente kag nahul-an sa indi man nila sala.
Suno diri dapat pahanugutan sila nga makabayad sang Nobyembre kag Disyembre nga bill kag ang CENECO nalang kag payment ang masettle sang ila problema.
Natalana nga mapagwa sang statement ang CENECO angot sa nasambit nga reklamo matapos nga ginlab-ot man sang Bombo Radyo Bacolod agud makapahayag sang ila bahin.
