Isa ang pilason sa katapo sang 15th Infantry Battalion sang Philippine Army sa natabo nga engkwentro batok sa grupo sang Southwest Front sang New People’s Army sa Barangay San Jose, Sipalay City, kahapon.
Sa interview sang Bombo Radyo kay First Lieutenat Weann Sandag, Civil Military Operations Officer sang 15th Infantry Battalion, isa ka series encounter ang nahitabo kun sa diin nagdanagat sa kapin lima ka minutos ang engkwentro sa Barangay Camalanda-an, banwa sang Cauayan, samtang kapin 20 ka minutos naman nga nagdugay ang engkwentro sa siyudad sang Sipalay.
Isa ang pilason sa katapo sang Philippine army, apang wala naman nahibaluan ang kaswalidad sa bahin sang NPA.
Ginpasalamatan man sini ang suporta kag madasig nga reaksyon sang Local Governemnt Units kag mga concerned agencies kag amo man nga nagpasalamat ini sa mga concenerd citizens nga naghatag sang impormasyon angot sa presenya sang NPA sa area.
Samtang, wala naman sang natabo nga engkwentro sa karun nga adlaw.
Sa karun nakapauli na ang mga evacuees sa ila mga puluy-an matapos naclear na sang mga militar ang area.
