Patay ang 52-anyos nga mangunguma matapos ginluthang sang wala makilal-an nga suspetsado sa Barangay Mahalang, Himamaylan City, Negros Occidental sang Enero 18.
Sa impormasyon nga nakuha sang Bombo Radyo, ginkilala ang biktima kay Domingo Bustillo, 52-anyos, residente sang nasambit nga lugar.
Samtang nagaani sang palay ang biktima, ginpalapitan ini sang wala pa makilal-an nga suspetsado kag hinali lamang nga ginluthang sang makapila ka beses sa nagkalain-lain nga bahin sang iya lawas nga gintunaan sang iya kamatayon.
Gilayon nga nagpalagyo sa wala nahibaluan nga direksyon nag suspetsado.
Narecover sa crime scene ang tatlo ka fired cartridges sang calibre 45, isa ka black holsters kag isa ka wala unod nga sako.
Sa karun nagapadayon pa ang hot pursuit operation sang mga otoridad.
