Siyam pa ka mga guerrilla fronts ang naga-exist sa Visayas.
Suno kay Lt. General Benedict Arevalo, commander sang Armed Forces of the Philippines – Visayas Command kag commander sang 3rd Infantry Division sang Philippine Army, sa siyam ka mga guerrilla fronts, apat diri ang nagikan sa Western Visayas.
Suno kay Arevalo, ang lima ang yara sa area sang Samar, Leyte.
Suno diri, madamo naman sila sang nadismantle na nga mga fronts kag ang nabilin ang nagahina na.
Sa karun ila ginatutukan ang Samar area.
Apisar nga maluya na ang pila ka mga grupo, ginpahayag ni Arevalo nga wala ini nagapatimaan nga indi ang mga ini makahimo sang bayolente nga mga butang batok sa ila tropa kag mga pumuluyo.
Samtang kahapon, ginpatigayon ang change of command ceremony sang 303rd Infantry Brigade sang Philippine Army kasunod sang pagpungko sang bag-o nga commander sini.
Ginpangunahan ang change of command ceremony ni Arevalo.
Ang bag-o nga nagpungko nga commander sang 303rd Infantry Brigade sang Philippine Army amo si Col. Orlando Edralin kun sa diin ginbuslan sini si Col. Michael Samson nga sa karun ang ginsaylo sa 301st Infantry Brigade sang Philippine Army nga nakabase sa Dingle, Iloilo kun sa diin ginahulat pa sa karun ang approval sa pagpungko sini bilang bag-o nga commander.
Pormal na nga nagpungko nga commander sang 303rd Infantry Brigade sang Philippine Army si Col. Orlando Edralin.
