Padayon ang pagpamatok sang mga labor group Sa press conference nga ginpatigayon sang Save the Sugar Industry Movement, nagpanawagan ang convenor nga si Wennie Sancho sa iban nga mga organisasyon sang mga mamumugon sa kawsa.
Suno diri, linibo ka mga mamumugon ang apektado sang importasyon.
Luyag sang grupo nga dal-on ang concern sa Office of the President kag sa mga miyembro sang iya nga Gabinete.
Sa tion nga magtingob na ang labor force suno kay Sancho, dal-on nila ang kawsa sa dalanon agud nga makapatigayon sang rally kag mabatyagan sang gobyerno ang sentimyento sang mga mamumugon angot sa importasyon.
Panindugan sang SAVE SIM convenor, dako ang halit nga matuga sang imported sugar bangud pa sa kasakon sang mga traders.
Suno diri, nagsaka ang presyo sang kalamay bangud sa espekulasyon sang mga traders nga may shortage sang kalamay.
Suno kay Sancho, wala sang kakulang sang kalamay kundi bangud ini sa hoarding nga ginahimo sang mga traders.
