Nagpanawagan ang mga nagfile sang impeachment complaints batok kay Vice President Sara Duterte sa mga miyembro sang Kongreso nga i-impeach ukon hukson ang bise-presidente sa iya post subong nga 2025.
Ini ang ginpanawagan nanday House Deputy Minority Leader kag ACT Teachers party-list Rep. France Castro, former Bayan Muna party-list Rep. Teddy Casiño, ex-Gabriela party-list Rep. Liza Maza kag iban pa, sa karun nga wala pa marefer kay House Speaker Martin Romualdez ang mga complaints batok kay Duterte.
Santo sa House Rules, isa ka verified complaint para sa impeachment ang ginfile sang isa ka miyembro sang Kamara ukon sang maskin sin-o nga citizen nga gin-endorso sang maskin sin-o nga House member ang dapat mafile sa Office of the House Secretary General kag gilayon nga irefer sa Speaker.
Nakabutang man diri nga dapat ilakip ini sang Speaker sa Order of Business sa sulod sang napulo ka session days humalin sang ini kag nabaton kag i-refer sa House Committee on Justice sa sulod sang tatlo ka session days.
