Ginpahayag ni Bacolod City Election Officer Atty Revo Sorbito nga indi sarang sang COMELEC nga magpangbaklas sang illegal campaign materials kada adlaw.
Sa interview sang Bombo Radyo Bacolod kay Sorbito, kulang sila sang personnel kun adlaw-adlaw ang ila pagpangbaklas sang illegal campaign materials kag maapektohan pa ang iban nila nga trabaho sa opisina.
Suno diri, kaupod nila sa paglibot sa ciudad ang Bacolod City Police Office, City Engineer’s Office, Department of Environment and Natural Resources (DENR) kag COMELEC.
Suno pa diri, santo sa ila paglibot-libot, pinakamadamo gid nga nakuha nga posters amo ang iya ka Uswang Ilonngo partylist.
Samtang, indi pa man nila makuha ang mga posters sang local aspirants bangod santo sa supreme court makonsiderar nga candidates ang nagfile sang Certificate of Candidacy sa pag-umpisa na sang campaign period.
Ini ang gingamit sang pila ka aspirants nga tion agud makapanapik sang campagin materials samtang wala pa sang bayolasyon tubtob nga wala pa nag-umpisa ang campagin period.
