Linibo ka mga violators sa nagapadayon nga gun ban sa 2025 elections ang naaresto sang mga otoridad suno sa Commission on Elections (Comelec).
Suno kay Comelec spokesperson Atty. Rex Laudiangco, as of Miyerkules sang aga, 1,450 ka mga gun ban violators ang naaresto samtang kapin 2,000 ka mga armas luthang kag deadly weapons ang nakumpiskar.
Nagpahanumdum man ini sa publiko nga ang pagdala sang firearms sagwa sang ila puluy-an ang isa ka bayolasyon sang Republic Act 7166 ukon Synchronized National and Local Elections Act.
Ini ang nagasuspendi man sang issuance sang lisensya sang mga armas luthang sa election period.
Nagpahanumdum man ang Comelec official sa mga miyembro sang shooting teams nga opisyal nga nagacompete agud mag-apply sa nagakaigo nga clearances sa poll body.
Ang election gun ban ang nagsugod sang Enero 12 kag magadugay tubtob Hunyo 11, 2025.
