Ginpahayag sang Deputy Spokesperson sang Department of Education-Division of Bacolod City nga ang mga eskwelahan ang may discretion sa pagsuspend sang klase kun magapadayon ang mataas nga forecasted high heat index sa ciudad.
Sa interview sang Bombo Radyo Bacolod kay RJ Paglumotan, ang mga eskwelahan ang mahimo magsuspend sang klase kun tuman ka init ang panahon ukon 37 degrees pasaka.
Suno kay Paglumotan ang santo man sa DepEd Order nga ginpagwa sang December 2024.
Suno diri ang mga eskwelahan nga nagcancel sang klase ang mahimo nga magshift sa modular kag distance learning.
Ini ang mahimo online ukon modules nakadepende sa kinahanglanon sang mga kabataan.
Ginpahayag man sini nga si DepEd Secretary Sonny Angara, ginakonsiderar ang pagpatuman sang half day classes ukon pag-alas 10:00 ang takna sang aga mauntat ang klase kag padayunon alas-2:00 ang takna sa hapon tubtob alas 06:00 ang takna sa gab-i.
Nakadepende man sa lokasyon sang eskwelahan ang pagpatuman sang face to face classes.
Nagpanugyan man ini sa mga kabataan kasubong man sa mga ginikanan nga tsekyaron kag siguruhon nga yara sa balay ang mga kabataan sa tion nga wala sang klase kag dapat maginum gid sang tubig agud nga hydrated ilabi na nga mainit ang panahon sa karun.
