PASENSYA LANG SA NAGAKAON… Apang may mga kauturan gid kita nga mahuyugon magpanghimung-it.
Apang nakahibalo bala kamo nga ang sobra-sobra nga pagpanghimung-it ang makatuga sang medical complications?
Kaangay lamang sang isa ka Chinese nga ginreport nga nagakinahanglan sang emergency surgery matapos nga narupture ang facial artery bangud sa pagpanghimung-it.
Ang pinasahi nga kaso ang ginpakigbahin sang asawa sini paagi sa malip-ot nga video clip sa paglaom nga makahatag sang leksyon kag makaengganyo sa mga pumuluyo nga likawan ang masami nga pagpanghimung-it agud nga indi masamad ang ugat sa ilong.
Ang wala ginhingadlan nga lalaki ang nagikan sa Xianyang City, Shaanxi Province, ang ginreport nga nanamian magkuti sang iya ilong ilabi nagid kun wala ini sang ginaubra.
Bangud sini nakaangkon sang seryoso nga pagdugo sang iya nga ilong bangud wala na ini nagauntat bisan pa nga nagatulo na ang dugo.
Sa ulihi ang mag-asawa ang nagkadto sa hospital kun sa diin nadiagnose ini sa mga doctor sang ruptured artery kag ginpahingagaw ang emergency surgery agud nga makay-o ang damage.
Ginkuhaan man sang asawa sini ang bilog nga hospital experience kalakip na ang makahalam-utan nga pagpamangkot sini samtang nagarecover gikan sa operasyon.
Siya ang ginpamangkot sang asawa (“Honey, why don’t you pick your nose? Get up and pick it again.”) kag ginpost sa social media kun sa diin nakakuha sang nagkalain-lain nga reaksyon online.
Nagpaandam naman ang mga Health experts nga ang masami nga pagpatandog ukon pagpanghimung-it ang may dako nga risgo sa infection apang kun ini ang nangin habit na makatuga ini sang mas dako nga problema.
