Gina-agda ni Philippine Red Cross Chairman Richard Gordon ang publiko nga makigbahin sa tuigan nga bloodletting project nga “DUGONG BOMBO 2026” sang Bombo Radyo Philippines kag Star FM nga masobra duha ka dekada na nga ginapatigayon sa pungsod.
Suno kay Gordon, nagaserbe nga mabaskog nga kabulig sang Philippine Red Cross ang programa sa pagseguro sang nagakaigo nga supply sang dugo, partikular na sa mga tion nga maka-eksperyensya sang dako nga kakulangan sa blood bank.
Ginkumpirmar sang opisyal nga dako nga bulig ang lapnagon nga sakop sang aktibidad nga dulungan nga ginapatigayon sa 25 ka lugar sa bilog nga Pilipinas sa pagpanguna sa 32 ka Bombo Radyo kag Star FM stations.
Kaangot sini, gindayaw man ni Gordon ang mga blood donor nga ginatawag niya nga mga “Bayani ng makabahong panahon” bangod sa wala nagatahaw nga pag-upod sa importante nga proyekto nga nagaluwas sang kabuhi.
Pahanumdom man niya nga ang kada tinulo sang dugo nga ginadonar ang makasugpon sang kabuhi sang himata, abyan, ukon mangin sang mga ini kakilala sa oras sang emerhensya kag malala nga balatian.
