Luyag ni Bacolod City Mayor Alfredo ‘Albee’ Benitez nga mismo ang vendors sang Burgos Public Market ang mahatag sang disenyo sa pagrenovate sang merkado.
Nagpabutyag si Benitez nga naglain ang iya buot bangod luyag lamang sini nga kay-uhon ang merkado para sa mga vendors kag mga manugbakal apang ginreject sang mga vendors ang proposed design sang ciudad nga may pondo na kuntani nga P525 million.
Suno sa alkalde wala lang man ini sang may nabatian nga may sushestyon ang mga vendors kag sila ang nagpang-indi lang.
Sa karun, bangod wala nanamian ang mga vendors sang ginproposed nga design sang ciudad, mas maayo suno kay Benitez nga sila na lang mahimo sang disenyo kag ipresentar sa iya.
Ginpahayag man ni Councilor Celia Flor, chairperson sang Committee on Markets sa Sangguniang Panlungsod nga ila lang hulaton ang luyag sang vendors.
Suno diri, indi na magplastar pa sang disenyo ang ciudad kag iya na lang sang vendors ang sundon.
