Kun ang Mt Everest kilala bilang Worlds Highest Mountain ang Ghazipur Landfill naman sa Delhi ang kilala bilang isa sa pinakamataas nga bukid sang basura sa bug-os nga kalibutan.
Ang Garbage Mountain ang nagacover sang area nga kapin sa 28 ka ektraya kag may kataason kaangay sang iconic nga Taj Mahal.
Una nga naestablish ang landfill sang 1984 kun sa diin nalab-ot sini ang iya maximum capacity sang 2002 kag naglab-ot tubtob sa 72 meters ang kataason.
Sa karun padayon pa nga ginadagdagan sang basura ang landfill kada adlaw, apang ini ang nagtuga sang halit sa mga tawo.
Ang baho sang basura ang indi na kun kaisa masarangan ilabi na kun tig-ilinit nga may galuntad nga sunog kag madamol ang aso kag kun kaisa nagacollapse ang tumpok-tumpok nga basura nga nagakadagdag.
Suno sa mga residente, tanan nga gobyerno nagpasalig na nga solbaron ang problema apang wala man sang may naggiyo kag iban sa mag residente ang ginpangmasakit na.
Sang Setyembre 2017, masobra sa 50 million tonnes sang basura ang nadagdag sang nagcollapse ang bukid sang basura nga nagtabon sa mga tawo kag salakyan kag sang Abril 2024, may sunog nga nagluntad kag naghalit sa ikaayong lawas sang mga residente.
Ang ini nga “Garbage Everest” ang mahambal nga unique apang ang problema nga tuga sini sa palibot ang makabig nga seryuso.
