Pagsunod sa layi kag matawhay nga eleksyon ang ginapangayo sang mga aspirants sa ciudad sang Bacolod para sa May 12 Midterm elections.
Suno kay Bacolod City Lone District Congressman Greg Gasataya, sundon lamang nila ang ila ginpermahan sa peace covenant signing.
Suno diri, iya ginalauman nga mangin malinong ang eleksyon kag amo nga nangayo ini sang bulig sa tanan para sa peaceful election.
Samtang, aminado naman si Gasataya nga naanad na ini sa mga ginabaton nga mga pagpangguba sa iya kag sa iya pamilya kag ginahatag na sini sa otoridad ang pag-imbestigar angot diri.
Samtang, suno naman kay anay Bacolod City Mayor Evelio “Bing” Leonardia, iya ginalauman nga sundon sang kapulisan kag sang COMELEC ang tanan nga ginpahayag nila bangod sila nga mga aspirants ang magasunod lamang sa layi.
Suno diri, humalin pa sadto nakahibalo na ini sa layi sa eleksyon nga dapat lang gid sundon.
Samtang, ginkalipay naman ni Leonardia nga yara sa gihapon ang matawag sini nga matuod-tuod nga mga supporters.
