Luyag sang isa ka mamalidha sa France nga bawion sang ila pungsod ang Statue of Liberty nga ginregalo nila sa Amerika, ang rason sini, amo nga wala na ginahatagan importansya sang Amerika ang simbolo sang estatwa.
Ginhambal ni French Euro-deputy center-left politician Raphael Glucksmann sa convention sang Place Publique center-left movement, nga “Give us back the Statue of Liberty”.
Suno pa diri, ginhatag sang France ang estatwa bilang regalo apang wala nila ini ginarespeto amo nga mas maayo nga papulion na lang ini.
Gin-inaugurate ang Statue of Liberty sa New York City harbor sang October 28, 1886 para sa centennial sang American Declaration of Independence bilang regalo sang France sa Amerika.
Gindisenyo sang Frenchman nga si Auguste Bartholdi ang estatwa nga may kataason nga 151 feet.
May yara man sang kaangay nga gamay nga estatwa sa France nga makit-an sa isla sang Seine sa Paris.
Si Glucksmann ang kilala nga tagasuporta sang Ukraine nga naga-criticize kay US President Donald Trump bangod sa pagbag-o sa mga polisiya sini sa ginahimo sini nga pag-atake sang Russia sa Ukraine.
Gincriticize man sini ang pagbuhin ni Trump sang suporta sa US research institutions.
