Isa patay samtang may pila ka mga pilason sa nagluntad nga shooting incident sa Purok Narra, Barangay Lopez Jaena, Murcia, Negros Occidental subong nga adlaw, Abril 6.
Ginkilala kay Edgar Tabunoc Jr., 24 anyos samtang ang suspetsado ang ginkilala kay Arman Lanerez, 47 anyos, kasado, driver kag residente sang nasambit nga lugar.
Sa interview sang Bombo Radyo Bacolod kay Elma Tabunoc, iloy sang biktima, nagasakay ang mga ini sa tricycle bangud naghalin sila banwa apang sang naglabay ang mga ini sa balay sang suspetsado ginbutong sang suspek ang biktima kun sa diin nagluntad ang kumprontasyon.
Dugang pa sang iloy bangud wala sang padaog suspek naggamot ang suspek sang armas kag gintiro ang napatay sang gina-alegar makatatlo ka beses.
Suno kay Elma ang ginalantaw sini nga motibo ang pagreklamo sang mga ini sa Barangay matapos nga gin-alegar nga ang dalan ang ginbutang sang pamilya sang suspetsado sang mga basura kag ginadabukan kun sa diin delikado sa mga nagalabay mga tricycle.
Gin-alegar man sini nga gintiro pa sang suspek ang iya bata nga babayi apang wala naglupok kag bisan siya ang gintiro apang wala man naglupok.
Magluwas sa napatay sini nga anak may yara pa ini sang anak nga napilasan man sa ulo man.
Nagpalagyo man ang suspetsado apang gilayon man nga nadakpan sa ginpatigayon nga hot pursuit operation.
