Nagtaliwan na ang supestar sang Philippine Cinema nga si Nora Aunor sa edad nga 71 anyos.
Siya ang nagtaliwan alas-9:53 kagab-i, Abril 16 sa The Medical City sa Ortigas Avenue, Pasig City.
Ang pagtaliwan sang Film icon ang ginkumpirmar sang iya anak nga si Ian De Leon paagi sa social media post kagab-i.
Si Nora Aunor ang ginproklamar bilang National Artist for Film and Broadcast Arts sang 2022.
Siya ang nabun-ag sa pangalan nga Nora Cabaltera Villamayor sa Iriga City, Camarines Sur kag siya ang nangin star sa pila ka mga iconic films nga ginalakipan sang “Himala” sang 1982, “Bulaklak sa City Jail” sang 1984 kag “The Flor Contemplacion Story” sang 1995.
Sang 1976 siya ang nagdaog bilang Best Actress sa Gawad Urian kag FAMAS sa labing una nga tinion sa obra sini nga “Tatlong Taong Walang Diyos.”
Si Aunor ang ginkasal sa actor nga si Christopher de Leon sang January 1975 kun sa diin may yara sila sang biological child nga si Ian de Leon kag may apat ka adopted nga mga kabataan nga sanday Lotlot, Matet, Kiko, kag Kenneth apang ang kasal sang mga ini ang na-annull sadtong 1996.
