Temporaryo nga nakagwa sa prisuhan ang Indian national nga driver sang pula nga Toyota Innova nga nag-arado sa mga nagprusisyon sang Biyernes Santo sa Barangay Alangilan, Bacolod City matapos makapiyansa.
Ang driver ang ginkilala kay Jagpret Shingh, 37 anyos kag residente sang B133, Lot.89, Buena Park Subd., Brgy. Villamonte, Bacolod City.
Sa interview sang Bombo Radyo Bacolod kay Police Major Mark Joel Reclamado, station commander sang Bacolod Police Station 5, nakapiyansa ang Indian national sang P60,000 kag ini ang ginproseso sa korte kaina sang hapon.
Suno kay Reclamado matapos ginpatawag sa korte kag nagproseso sang piyansa bangud mahimo ang mga ini makapiyansa nagbalik si Shingh sa police station agud nga magpirma sa log book agud marecord nga ini narelease.
Suno sa station commander kinahanglan nila nga irelease ang Indian national bangud may release order na nga ginpagwa ang korte.
Si Shigh ang ginrelease sa ginakilala sini nga iloy.
Bangud sini ang korte na ang magapatawag diri sa tion nga may hearing sa mga ginpasaka batok diri nga mga kaso.
Nahibaluan nga ginpasakaan si Shingh sang kaso nga reckless imprudence resulting to multiple homicide, multiple physical injuries, damage to property kag kag RA 10586 ukon Anti-Drunk and Drugged Driving Act of 2013.
