Ginkumpirmar sang Commission on Elections nga maga-issue sang show cause orders kanday Manila City mayoralty bets Isko Moreno, Samuel Versoza, kasubong man sa iban pa nga local candidates nga i-eksplekar ang ginaalegar vote buying.
Suno kay Moreno, wala pa ini nakabaton sang kopya sang order as of 3:00 pm.
Ini kadungan sang pag-akusar sang Committee on Kontra Bigay sang poll body sa mas madamo nga national kag local candidates sa ginaalegar vote buying kag pagpang-abuso sang state resources.
Ang kumpirmado nga listahan sang dugang nga 20 ka mga kandidato ang gin-issuehan sang show cause order ang ginpagwa kahapon, Huwebes nga adlaw.
Ginrequire sang Comelec ang tanan nga kandidato nga magsabat sa sulod sang isa ka strikto, non-extendible period nga tatlo ka adlaw humalin sang nabaton ang show cause order agud mag-eksplikar kun ngaa ang isa ka complaint para sa election offense ukon petition for disqualification ang indi pag-ifile batok sa ila.
