Malacañang, nagpaandam sa publiko angot sa fake news may kaangtanan sa pagpatuman sang P20 per kilo nga bugas sa Visayas

Nagpaandam ang Malacañang sa publiko nga mangin mabinantayon batok sa fake news natuhoy sa P20 per kilo sang bugas nga iga-implementar sa Visayas region.

Ginpakita ni Palace Press Officer Undersecretary Atty. Claire Castro ang ginaalegar poor quality sang bugas nga ginabaligya sa balor nga P20.

Suno kay Castro, ang pagbaligya sang P20 nga bugas ang wala pa nakasugod.

Gani wala pa sang may nakita nga bugas nga ginabaligya.

Dismayado naman si Agriculture Secretary Francisco Tiu-Laurel Jr. sa pahayag ni Vice President Sara Duterte natuhoy sa bugas kag ginpahayag nga ini ang gingamit sa pagkaon sa mga baboy.

Suno diri, sila ang fully committed sa pagdeliver sang dekalidad nga bugas sa mga pumuluyo.