Handa ang gobyerno nga i-audit ang gingasto sini para sa 49th Association of Southeast Asian Nations (ASEAN) Summit, santo sa pahayag sang Malacañang kadungan sang mga pagkwestyon sang publiko sa expenses sini.
Nag-alokar ang gobyerno sang P22.9 billion para sa ASEAN SUMMIT sa ikalima nga pag-chair sa regional bloc.
Suno kay Palace Press Officer USec. Claire Castro, sa baylo nga mag-focus sa gingasto sang gobyerno, dapat mas tutokan sang publiko ang makuha nga benepisyo sang pungsod sa palaabuton.
Ini ang ginpahayag matapos naglapta sa online ang mga post nga ginakumpara ang budget sang administrasyong Marcos sa Arroyo kag Duterte administration nga yara lamang sa P1 billion kag P3.79 billion.
Kalakip sa preparasyon nga ginhimo para sa Summit amo ang mga imprastraktura kag venue, kasubong man ang mga security kag emergency resources.
