Ginpahayag sang Malacañang kahapon nga dapat paga-imbestigaran sang mga otoridad ang panawagan sang kampo ni Vice President Sara Duterte nga ang iya anay kabulig sa sulod balay ang gin-alegar ginpahog nga magpirma sang isa ka dokumento.
Suno kay Palace Press Officer Undersecretary Claire Castro, dapat lamang nga hibaluon kun ini ang may kamatuoran.
Sa pahayag ni Atty. Paolo Panelo, spokesperson ni Duterte, ginsiling sini nga nakabaton sang text message ang bise presidente gikan sa account sang iya anay staff sa sulod balay sang Lunes, alas-11:19 sang gab-i.
Suno diri, ang mensahe nga nabaton ang nagapahayag nga ini ang nagapangayo sang bulig kag rescue.
Ginpahayag nga ang sender ang yara sa kustodiya sang mga indibidwal nga nagapamahog sa iya nga kabuhi.
Suno sa sender, siya ang ginapilit nga magpirma sang isa ka dokumento, apang ini ang nagpamalibad.
Suno kay Panelo, tuman nga ginakahangawa sang bise presidente ang nasambit nga insidente kag ginsiling nga ang Marcos administration ang may kahimuan sini.
Ginpanginwala naman ni Castro ang alegasyon kag ginpahayag nga busy ang presidente sa ASEAN Summit.












