Balik na sa Pilipinas ang veteran comedian nga si Jimmy Santos matapos magbakasyon sa Canada.
Duha ka tuig na ang nakaligad sang gin-esturyahan ang video ni Jimmy nga nagapamasura sa Canada.
Sa video ginpakita ni Jimmy ang high-end machineries sa Canada sa pagrecycle sang mga inughaboy na nga gamit.
Gindala ni Jimmy ang mga napulot sini nga lata kag containers sa isa ka modern recycling center kun sa diin nakakwarta ini sang 15 Canadian dollars ukon ginabanta nga P600.
Apang sa karun, nagpagwa ini sang video nga yara na siya sa Pilipinas kag ginpakigbahin ang pagpangabuhi sini nga naga-isahanon lang sa Angeles City, Pampanga.
Suno diri, nagpadulong ini sa Canada para magbakasyon kaupod ang iya bata kag pamilya sini.
Pahayag sini, malimpyo kag disiplinado ang mga tawo didto kag bisan ang mga Asian ang yara man didto nagabitbit sang ila mga lata kag botilya.
