Gin-athag sang commissioner sang Commission on Elections nga nakadepende na sa rekomendasyon sang security forces ang pagpaidalom sang isa ka lugar sa election areas of concern.
Sa interview kay COMELEC Commissioner George Erwin Garcia, ang pagdeklarar sang election areas of concern ang nakadepende sa rekomendasyon sang security forces bangud ang mga ini ang nakahibalo kun ano ang hulag sang mga tawo sa lugar.
Suno kay Garcia, ang COMELEC ang nagahulat lamang sang mga rekomendasyon sang security forces para sa mga election areas of concern.
Ginpahayag ni Garcia nga sa Negros Island Region ang yara sa red category ang banwa sang La Libertad kag ciudad sang Guihulngan sa Negros Oriental.
May ginpreposition naman nga security forces sa nasambit nga duha ka mga local government unit.
Samtang sa pihak nga ang mga nagapabilin sa evacuation centers ang padal-an ang Automated Counting Machines kun sa diin nakaspecific sa numero sang mga precincts nga pagabotohan sang mga ini.
Dugang pa ni Garcia may yara na sang 242 ka mga kandidato ang ginpanaugan sang COMELEC sang show cause order kag may nadismiss na bangud sa paglapas sang election guidelines.
Mahimo naman ang mga residente nga magreport paagi sa pagpost sa kaugalingon nga social media account bangud ang COMELEC ang nagapatigayon man sang moto propio agud nga mavalidate ang nasambit nga social media post kag nagahimo ang COMELEC sang tikang angot diri.
