Lauman ang pagnubo sang presyo sang produktong petrolyo sa masunod nga semana.
Suno kay Department of Energy-Oil Industry Management Bureau Assistant Director Rodela Romero, santo sa apat ka adlaw nga trading sa MOPS (Mean of Platts Singapore), may yara sang lauman nga oil price rollback.
Ginabanta nga maganubo sa P0.25 tubtob P0.70 ang kada litro sang Gasolina, P0.30 tubtob P0.80 ang kada litro sang Diesel kag P0.50 tubtob P0.70 ang kada litro sang Kerosene.
Suno sa energy official, ang pagnubo sa presyo ang bangod sa concern sa oversupply sa global markets samtang nagasaka ang crude inventories sa Estados Unidos kag ginalauman nga pagpasaka sang Saudi Arabia sa output kag pagpalapad sang market share.
Nalakip man sa mga rason amo ang pagpatuman sang mataas nga taripa sang US nga makapahina sang global economic growth kag fuel demand.
Masami nga gina-anunsyar ang official price movements kada Lunes nga ginapa-implementar pagkasunod nga adlaw.
