Nanaog bilang coach sang San Antonio Spurs si Gregg Popovich agud mangin president of basketball operations sang club.
Ang 76 anyos nga coach ang nakaangkon sang pinakamadamo nga wins kun ikumpara sa iban nga coach sa NBA history.
Nagsuprer ini sang mild stroke sang tinalikdan nga Nobyembre kag wala na nagbalik pa samtang nagapadayon ang season.
Suno diri, nagapabilin ang love kag passion sini sa game apang nagdesisyon ini nga magpanaog na bilang head coach.
Suno sa Spurs, si Mitch Johnson nga nagserbe bilang acting head coach kasunod kay Popovich sang nastroke ini, amo ang magatake over bilang head coach.
Si Popovich ang three-time NBA coach of the year kun sa diin gindala sini ang Spurs sa lima ka championships kag ang US men’s team para sa gold medal sa 2020 Tokyo Olympics.
Siya ang na-induct sa Basketball Hall of Fame bilang coach sang 2023.
