Gin-anunsyar sang Department of Transportation ang liwat nga pagbukas sang application para sa consolidation sang public utility vehicles (PUV) sa idalum sang Public Transport Modernization Program (PTMP).
Sa isa ka Facebook post, ginpahayag sang DOTr nga ginpermahan ni Secretary Vince Dizon ang Department Order No. 2025-009 sang Martes, nga liwat nga nagabukas sa application sang consolidation kag nagahatag sang guidelines para sa mga individual operators kag drivers nga wala pa nakapaconsolidate.
Ang subject sang department order ang may titulo nga “Guidelines on the Reopening of Applications for Consolidation and Issuance of Provisional Authorities for Unconsolidated Individual Operators.”
Ang order ang nagacover sa public utility jeepney kag UV Express operators nga wala nakapaconsolidate ukon may yara sang pending application ukon motion to accept consolidation kag may mga units nga kumpirmado sa Land Transportation Franchising and Regulatory Board kag rehistrado sa Land Transportation Office para sa tuig 2023 ukon 2024.
