Gin-aprubahan na sang Department of Transportation (DOTr) ang pagsaka sang pletehan sa mga public transport vehicles.
Suno kay Transportation Secretary Giovanni Lopez, mangin epektibo ini sa Setyembre 28.
Ini ang santo man sa rekomendasyon sang Land Transportation Franchising and Regulatory Board (LTFRB) nga kakason na ang suspension sa pamasahe nga nag-umpisa sang Marso 2026.
Dugang pa sang tiglikom, nagakaigo na sa subong nga tion ang pagsaka sang pletehan agud mangin suspisyente ang kadamuon sang nagabyahe nga salakyan.
Sa idalom sang gin-aprubahan nga fare hike, P14 na ang minimum halin sa anay P13 sa una nga apat ka kilometro nga may dugang nga P2 sa kada kilometro.
Samtang, P17 naman ang minimum fare sa mga modern jeepneys halin sa P15 kag may dugang nga P2.40 sa kada kilometro.
Liwat nga ginpanugyanan ni Lopez ang mga driver nga ipatuman man ang 20 percent discount sa mga estudyante kag mga senior citizens.
