Halos indi makapati ang mga doktor sa Australia sa ginasuprer nga sakit sang 22 anyos nga lalaki kun sa diin ang lawas sini ang may unique nga reaksyon sa mainit kag matugnaw nga temperatura.
Sang naga-edad pa lamang sang 17 anyos si Aidan McManus, una ini nga nagreklamo nga indi niya maayo mabatyagan ang iya tiil.
Sang naghabok ang iya tiil, nagpadulong sila sa ospital apang wala sang epekto sa iya ang ginhatag nga bulong.
Mas naglala pa ang iya kondisyon matapos nga makabatyag sang kasakit sa kada tikang.
Apisar sini, nahimo ni Aidan nga makagradwar sa high school apang may yara naman ini sang nabatyagan sa iya kamot.
Kun may matandogan ini nga matugnaw, kaangay nga nagakapaso ang iya kamot apang kun may matandogan ini nga mainit, nagakabtyag naman si Aidan sang tuman ka tugnaw.
Padayon pa nga ginatinguhaan sang mga neurologists nga matun-an kun ano ang iya sakit.
Ginpaidalum sa pila ka test si Aidan kaangay sa lumbar puncture procedure, kag may yara pa sang ginkuha nga nerve sa iya tiil para sa biopsy apang wala sila sang may makuha nga sabat.
Apang siya ang gindiganose sa generalised nerve disorder kun sa diin nagakaepktohan kun paano magpadala ang nerve cells sang signal sa lawas.
