COMELEC, ginpanginwala ang alegasyon sang “dagdag-bawas” sa 2025 Senatorial race

Ginpanginwala sang Commission on Elections ang mga alegasyon sang “dagdag-bawas” natuhoy sa resulta sang 2025 senatorial race.

Suno kay Comelec chairman George Garcia, may pila ka mga media outfits nga nagrelease sang election results apisar nga wala ginatinluan ang raw data ukon impormasyon nga nabaton sini nagikan sa Comelec data server.

Suno kay Garcia, ang makit-an sa Comelec amu ang real time kag indi late ang resulta sang mga election returns sa kada presidente.

Ang mga nagagwa nga may sumatotal kag mga ranking sang kandidato ang indi nagikan sa ila.

Suno diri, ang sa NAMFREL, PPCRV, media, minority, majority, indi ini real-time gilayon bangud kinahanglan pa nga iproseso ukon mangin machine readable.

Ini ang ginpaathag ni Garcia matapos nangin viral ang election results para sa senatorial race bangud sa ginaalegar “discrepancy” kag “decline” sang kapin 5 million votes nga nabaton sang isa ka senatorial candidate.