Nagsungka na ang suspect sa pagbuno-patay sa 18 anyos matapos ang pagsinuyaay nga nagresulta sa pagpangastigo kag pagpamuno sa dalan Lacson, Barangay Mandalagan, Bacolod City.
Ang biktima ang ginkilala nga si Yuri Legaste, 18 anyos, residente sang Barangay Efegenio Lizares, Talisay City, Negros Occidental samtang ang nagbuno ang ginkilala naman nga si Adrian Cagayao.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, ginakompleto na nila ang pagpasaka sang kaso, bangod sila ang may identity naman sang suspect.
Sa karun, ginahulat pa nga maka-execute sang affidavit ang mga natumod nga witnesses sa krimen.
Suno kay Tapang, si Cagayao pa lamang ang ila nakilala, kag padayun pa nga ginatumod ang identity sang tatlo tubtob apat sini nga kaupod.
Ginalantaw nga mahimo mangatubang sang kaso nga homicide ang suspetsado.
