Ginhingadlan bilang leader sang bag-o nga rebel coalition sa Democratic Republic of Congo si Former Congolese President Joseph Kabila nga may katuyuan nga gub-on ang gobyerno.
Ang Front for the Refoundation of the Nation (FRN) ang tuyo nga isahon ang tanan nga grupo nga luyag bungkagon ang gobyerno sang Congo nga gin-alegar gapang-abuso.
Ang pormal nga pagpakilala sang grupo sang Lunes ang isa ka indikasyon sang direkta nga pakigbahin ni Kabila sa armado nga grupo, isa ka tuig matapos siya ginpamatbatan sang death in absentia for treason.
Wala pa sang komento ang Congolese government nahanungod diri.
Ang anunsyo ang ginpatigayon sa mismo nga puluy-an ni Kabila sa diin makita sa video nga gin-upload sang grupo nga nagapang-pirma sang dokumento ang anay presidente.
Nagserbe si Kabila bilang pinuno sang pungsod sang 2001 tubtob 2019.
