18 ka ballot boxes sa Negros Occidental, ipaidalom sa Manual Random Audit

18 ka ballot box sa probinsya sang Negros Occidental halin sa 18 ka polling precincts sang Commission on Elections ang ipaidalum sa Manual Random Audit.

Suno kay Atty. Jossil Macute, Assistant Regional Director sang Commission on Elections – Negros Island Region, may 18 ka ballot box sa probinsya samtang may tatlo naman ka ballot box sa ciudad sang Bacolod ang dal-on sa Manila agud isa-isahon nga isipon ang boto.

Suno diri, ini agud mahibaluan kun insakto ang na-input nga datos sang Automated Counting Machine.

Siya mismo ang magadala sang ballot box bwas nga adlaw padulong sa Manila.

Ginalauman naman nga magadugay tubtob sa isa ka bulan ukon masobra pa ang pagproseso sini bangod ini ang ginpatuman nationwide.