Ginreiterate ni US President Donald Trump ang iya handum nga kuhaon ang Gaza Strip kag ginhambalan ang isa ka business roundtable sa Qatar nga himuon ini sang Amerika nga isa ka freedom zone kag nagpanindugan nga wala na sang nabilin sa Palestinian territory nga dapat luwason.
Una nga ginpahayag ni Trump ang ini nga ideya sang Pebrero kun sa diin suno diri, igaredevelop ini sang Amerika kag piliton ang mga Palestinians nga magkadto sa iban nga lugar.
Ini ang nagtuga sang pagkondenar nagikan sa nagkalain-lain nga pungsod kun sa diin suno sa mga Palestinians, Arab nations kag United Nations, ini ang makatuga sang ethnic cleansing.
Kalabanan sa 2.3 million sang populasyon sa Gaza ang internally displaced samtang ginapadayon sang Israel ang isa ka military assault nga nagpatay sa malapit 53,000 Palestinians.
