Isa ka food vendor sa Haiti nga napatyan sang pamilya nagbalos sa grupo sang mga criminal paagi sa pagbaligya sa ila sang empanada nga may hilo.
Madamo sang bayolente nga street gangs sa Haiti kag madamo sang mga pamilya ang naga-antos sa kamot sang mga kriminal apang madutay lang ang nagabato bangod sa kakulba sa seguridad sang ila pamilya.
Apang, ang isa ka babayi sa capital city nahimo nga ma-massacre ang grupo nga amo ang responsable sa pagpatay sa pila ka miyembro sang iya pamilya.
Siya ang kilala sa ginabaligya sini nga empanada kag isa ka adlaw nagtanyag ini sang libre nga empanada sa mga gang members bilang pasalamat sa proteksyon nga ginahatag nila sa lugar.
Bangod madugay na nga nagabaligya sang empanada ang babayi, wala ginsuspetsohan sang gang members ang pagkaon nga ginbutangan sang insecticide.
Matapos ang pila ka minuto, nakabatyag sang palanakit sa tiyan ang mga kriminal kag nagsululuka.
Sila tanan nadulaan sang kabuhi antes pa man mahatagan sang medical assistance.
Narekord nga 40 ka miyembro sang gang ang napatay apang gilayon naman nga ginbayaan sang babayi ang iya balay nga isa ka maayo nga ideya bangod ini ang ginsunog matapos ang poisoning incident.
Ang babayi boluntaryo nga nagsungka sa kapulisan kag nag-ako sa iya ginhimo.
Wala pa sa karun sang impormasyon kun siya ang magapangatubang sang kaso sa pagpapatay sa 40 ka mga kilala nga kriminal.
