Malacañang: Indi paggub-on ni President Bongbong Marcos ang layi para lamang sa reconciliation sa pamilya Duterte

Ginpahayag ni President Ferdinand “Bongbong” Marcos Jr. nga indi sini paggub-on ang layi para lang sa reconciliation maskin kay sin-o, pila ka adlaw matapos ginmensyunar sang chief executive nga bukas ini sa pagreconcile sa pamilya Duterte.

Suno kay Communications Undersecretary Claire Castro, indi magpauyat sa liog kag indi magpadikta ang Presidente sa sala.

Suno sa iya, indi pagtalikdan ni Duterte ang layi agud lamang serbihan ang personal nga interes sang iban.

Suno kay Castro, ang Presidente ang magasunod sa rule of law.

Dugang pa sini nga tinutuyo sang reconciliation nga mapunggan ang gamo kag makaaangkon sang stability agud makabulig sa iya sa pagtuman sang iya promisa sa publiko.