Nagpasalig ang Punong Barangay sa Barangay, Mandalagan Bacolod Cty nga sila ang magahatag sang financial assistance sa nasunugan nga pamilya.
Sa interview sang Bombo Radyo Bacolod kay Punong Barangay Paul Anieve, sila ang nagdul-ong na sang food assistance, apang sila ang nagconvene man subong nga adlaw agud diskusyunan ang paghatag sang financial assistance.
Magahatag man sang bulig pinansyal ang Department of Social Services and Development Office.
Madumduman nga napatay sa sunod ang isa ka tuig nga bata samtang nag-agom naman sang 3rd degree burns ang anom ka tuig sini nga magulang.
Wala pa napahibalo sa anom ka tuig nga bata nga wala na sang kabuhi ang iya manghod kag sa karun ini ang excited pa nga makagwa agud makita ang iya manghod.
Ang anom ka tuig nga bata ang pinakamasami nga naga-atipan sa 1 ka tuig nga manghod bangod ang iloy ang stay-in bilang caregiver samtang ang mga magulang sini ang naga-eskwela man.
Nagpasalig naman ang DSSD sa paghatag sang medical assistance samtang sila ang magahatag man sang materyales nga dugang nga makabulig.
Sila ang naghatag pa lamang sang indibidwal nga bulig, kag nakadepende pa sa ila session kun pila ang mahatag nga financial assistance.
