Padayon nga ginadapatan sang nagakaigo nga pagbulong ang duha ka persona nga napilasan matapos nga ang isa ang gintiro samtang ang isa ang nasalabat sang bala sa Purok Lubi, Barangay 3, Bacolod City sang Domingo, Hunyo 1.
Ang gintiro nga biktima ang ginkilala nga si Alyas Charles, 29 anyos, lalaki, single kag residente sang Purok Lubi, Barangay 3, Bacolod City samtang ang nasalabat naman sang bala ang ginkilala kay Elizabeth Meñosa, 53 anyos kag residente sang Purok Kagaykay, Barangay 2, Bacolod City.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, ginahulat pa sang mga ini nga makagwa sa ospital ang biktima agud nga makahatag sang nagakaigo nga impormasyon sa nagluntad nga shooting incident.
Suno kay Tolentino, ginkadtuan nila sa ospital ang mga biktima bangud sang ginreport ang insidente nadala na sa ospital ang mga ini antes nagpadulong sa crime scene.
Suno diri, suno sa naestorya sini nga witness, antes ang shooting incident nabatian sini nga ang biktima kag ang suspek ang nagestoryahanay pa kag hinali lang nakabati sang apat ka lupok rason nga gindala ini sa ospital kasubong man ang 53 anyos nga babayi nga nasalabat sang bala.
Narecover sa crime scene ang tatlo ka fired cartridges kun sa diin gindala sa crime lab agud mahibaluan kun ano ini nga kalibre sang armas-luthang.
